Velkomen til bords

Kokkane på Fossheim foredlar særnorske tradisjonar til eit reisemål i seg sjølv. Difor reiser mange til Fossheim fyrst og fremst for å ete og for å få oppleva eit måltid som gjev minner. Kristoffer Hovland fylgjer årstidene og brukar råvarer knytt til dei ulike sesongane.

Her på Fossheim tenkjer vi lokalt og nyttar i størst mulig grad råvarer frå lokale gardar, fiskevatn og fjell. "Stuttreist" mat er i tida og i Lom og fjellheimen har vi tilgang til fyrsteklasses råvarer som gjev deg ein eksotisk opplevelse som gjest hjå oss.

Kven som helst kan kome og ete her på Fossheim - anten du kjem aleine eller med venner. Vi serverer alt frå lunsj til åtte rettar meny med vin i spisesalen. Kjøkenet komponerar nye, spennande menyar kvar dag. Ynskjer du vin til maten har vi ein rikhaldig vinkjellar. Hotellvert og vinkjennar Svein Garmo er lidenskapeleg oppteken av vin og plukkar gjerne ut vinar som høver perfekt til dei ulike smakane i menyen.

Foto: Marius Rua